٣یەمین کۆنفڕانسی نێودەوڵەتی

کۆلێجەکانی پەروەردەی بنەڕەتی زانکۆکانی هەرێمی کوردستان

بەرەو پەروەردەیەكی هاوچەرخ و بنیاتنانی

ئاگاداری
سڵاو بەڕێزان... لەبەر سەلامەتی و تەندروستیی هەموو لایەک و بەهۆی ئەو بارودۆخەی دروست بووە، لیژنەی بەڕێوەبردنی کۆنفرانس بڕیاری دا کۆنفرانسی کۆلێجی پەروەردەی بنەڕەتی بۆ کاتێکی نادیار دوابخات. هەروەها لە ئەگەری بوونی هەر گۆڕانکارییەک دا، لە ڕێگەی پەیجی کۆنفرانسەوە ئاگادارتان دەکەینەوە... هەر بەم بۆنەشەوە رایدەگەیەنین ئەو توێژەرە بەڕێزانەی ئارەزوو دەکەن توێژینەوەکانیان ئاراستە کۆنفرانس بکەن، دەتوانن لە ڕێگەی فۆرمی تەرخانکراو توێژینەوەکانیان سەبمیت بکەن و بەخۆشحاڵییەوە لیژنەی بەڕێوەبردنی کۆنفرانس وەریدەگرێت... هیوای سەلامەتی بۆ هەموو لایەک دەخوازین...
-لیژنەی بەڕێوەبردنی کۆنفرانس-
  • کۆلێجی پەروەردەی بنەڕەتی، زانکۆی سلێمانی، هەرێمی کوردستان، عیراق

رۆژە گرنگەکان

 

  • دوایین مۆڵەتی ناردنی پوختەى توێژینەوەكان:  ٢٠١٩/١١/٢٥
  • راگەیاندنی ئەنجامی قەبوڵكردنی پوختەى توێژینەوەكان: ٢٠١٩/١٢/٥
  • دوایین مۆڵەتی ناردنی دەقی توێژینەوەكان: ٢٠٢٠/٣/٥
  • وەڵامدانەوەی ئەنجامی هەڵسەنگاندنی توێژینەوەكان: ٢٠٢٠/٤/١
  • كاتی بەڕێوەچوونی كۆنفرانس: ١٥ – ١٦ / ٤/ ٢٠٢٠

 

تەوەرەکانی کۆنفڕانس

تەوەرەكانی كۆنفرانس بە گوێرەی پسپۆڕیی بەشە زانستییەكانی كۆلێج دەبێت، كە بریتین لە (زانستە كۆمەڵایەتییەكان، زمانی ئینگلیزی، زانستی كۆمپیوتەر، زانستی ماتماتیك، باخچەی منداڵان، پەروەردەی هونەری، زمانی كوردی، پەروەردەی تایبەت) و ئەم بوارانە لەخۆ دەگرێت:

———-

كۆنفرانس دەرگای واڵایە بۆ هەموو ئەو بابەتانەی پەیوەندی راستەوخۆ و ناڕاستەوخۆیان هەیە بە پرۆسەی پەروەردە و فێركردنەوە و هەر تەوەرەیەكی پەروەردەیی تر كە لە خولگەی (خوێندنگە، خوێندكار، مامۆستا، پرۆگرام)دا بسوڕێتەوە.

  • پرۆگرامەكانی خوێندن و دیزاینی پرۆگرامی پەروەردەیی
  • شێواز و ڕێگاكانی وانەوتنەوە.
  • پلاندانانی پەروەردەیی.
  • بەڕێوەبردن وسەرپەرشتیكردنی پەروەردەیی.
  • تەكنەلۆجیای فێركردن.
  • رێنمایی دەروونى و پەروەردەیی
  • تیۆرەكانی فێربوون وفێرکردن.
  • ستراتیژیەتەكانی فێركردن و فێربوون.
ئامانجەکان
  • ناسینی واقیعی پەروەردە و فێركردن لە هەرێمی كوردستان.
  • خستنەڕووی ئەزمونە سەركەوتووەكانی پەروەردە وفێركردن لە هەرێمى كوردستان و جیهاندا.
  • تیشکخستنەسەر كێشە وگرفتە پەروەردەییەكانی لەناو دامەزراوە پەروەردەییەكان و پڕۆسەی پەروەردە وفێركردن لە كوردستاندا.
  • ئاڵوگۆڕكردنی ئەزمونی زانستی و پەروەردەیی لە نێوان هەرێمى كوردستان و دەرەوە دا.
  • دەستنیشانكردنی بارودۆخی پڕۆسەی پەروەردە وفێركردن لە دامەزراوە پەروەردەییەكانی حكومەتی هەرێمی كوردستان وچۆنییەتی گەشەكردنی لەبەر رۆشنایی پێداویستییە هاوچەرخەكاندا.
دیباجە

پڕۆسەی پەروەردە لەناو هەر نەتەوە و كۆمەڵگەیەك ڕووبەڕووی نسكۆ وشكست دەبێتەوە، ئەگەر بێتوو نەبێتە فاكتێكی پەروەردەیی و ڕۆنەچێتە ناو ویژدانی كۆی كۆمەڵگە و تاكەكانییەوە. بۆیە پێویستە پەروەردەیەکی هاوچەرخانە سەركردایەتی گۆڕانكارییەکان بکات و ڕەوەڕەوەی كۆمەڵگە بگرێتە ئەستۆ  و بەرەو پێشكەوتن و خۆشگوزەرانی و دادی كۆمەڵایەتی یبات. 

     پەروەردە و فێركردن بناغەی زانستی و كۆمەڵایەتی و مرۆڤایەتی هەموو سەردەم و نەوەكانی كۆمەڵگەیەك پێكدەهێنێت و رۆڵێكی بنچینەیی لە داڕشتنەوەی ئاییندەبینی و دیدگا و ڕەفتاری تاكەكانی كۆمەڵگەدا دەبینێت، چونكە پەروەردە گرنگی بە بنیاتنانی مرۆڤ و بڵاوكردنەوەی هۆشیاری دەدات بە چەشنێك ڕووبەڕووی ئەو گرفتە بونیاتگەراییانە دەبێتەوە، كە بەرۆكی كۆمەڵگە دەگرێت و لە شكست ڕزگاری دەكات و موتیڤێكی پڕبایەخ پێكدەهێنێت لە زیادكردنی بەهای تاك و رۆشنبیركردنی و بەهێزکردنى كەسایەتیی تاکەکانى کۆمەڵگە.

هەنووكە لەسەر ئاستی جیهان پڕۆسەی پەروەردە و فێركردن پانتاییەكی فراوانی بایەخدانی رێكخراوە جیهانی و لۆكاڵی و دامەزراوە زانستی و پەروەردەییەكانی داگیرکردووە، بەتایبەت كە  کۆمەڵگەی هاوچەرخ پێویستی بە بنیاتنانی هاونیشتمانییەكی هۆشیار و مرۆڤدۆست هەیە، ئەمەش تەنها لە پەروەردە وفێركردنەوە سەرچاوە دەگرێت.

لەم سۆنگەیەوە هەوڵدان بۆ دروستكردنی سەكۆیەكی زانستی كە ئەزمونە جیاوازەكان تێیدا كۆببنەوەو كێشە و گرفتە پەروەردەییەكان بخەنەبەر باس و لێكۆڵینەوە و ئاسۆییەكی ڕوون لەبەردەم پەروەردەییەكی هاوچەرخ بۆ نەوەكانی داهاتوو بكەنەوە، زانكۆی سلێمانی كۆلێجی پەروەردەی بنەڕەتی بە پێویستی زانى سێیەمین كۆنفرانسی زانستی نێودەوڵەتیی کۆلێجەکانى پەروەردەى بنەڕەتى بە دروشمى (بەرەو پەروەردەییەكی هاوچەرخ و بنیاتنانی ئاییندەیەكی گەش) ساز دەكات.